Әнигә

Озын гомер телим, әни сиңа,
Сәламәтлек булсын hәрвакыт!
Бәхетләргә чумып, шатлыкларда йөзеп,
Алсу йөзен торсын гел балкып!

Гульфия Гизатова

*****

Ана шатлыгы

Куенымда бәләкәчем –
Җан кисәккәем нәни.
Шатлыгымның һич чиге юк,
Мин бит бүгеннән – Әни!

Роберт Шаймарданов

*****

Безнең бәйрәм җитә,
Кыз кардәшләр.
Бәйрәм белән, һәммәбезне дә!
Әни кеше йортның учагы ул,
Әни кеше ирнең – терәге !
Әни бит ул, сине юатучы,
Шатлыкларны безнең булүче.
Кайгы-хәсрәт булса,
Бары әни кеше,
Күзләреңнән аны белүче!
Әни бит ул, изге җанлы кеше,
Бала өчен бирә барысын да.
Кадерләрен белик янда чакта,
Котлап торыйк, һәр туар таңда!

Халисә Гәрәева

*****

Озак яшә әнием

Түзем булырга өйрәттең,
Һәрчак безне әнием.
Йокысыз төннәрең өчен
Бурычлы без әнкәем!

Кушымта:
Изге җанлы синең кебек
Әни юк беркем җирдә.
Нурлы йөзен, җылы сүзең
Көч бирә һәрчак безгә!

Сагындыра балачакның –
Назлы бишек җырларың.
Кабат кайтып яннарыңа
Мәңге тыңлап туймамын!

Кушымта шул ук
Инде тормышлы булсак та
Сиңа без сабый һаман.
Озын гомер яшә әнием –
Бәхеттә узсын заман!

Кушымта шул ук

Роберт Шаймарданов

*****

Бәйрәм җитә… әнкәемне,
Котлыйсым килә, бик тә…
Тик булмый шул, булмый инде,
Ул бит күптәннән күктә…
Бәйрәм җитә, бәгырьне өтә,
Әнкәемнең юклыгы…
Күзләреннән убәр идем
Чәчәк, бүләк итәр идем,
Иркәләп бер кочар идем,
Яннарына очар идем,
Барып кайтыр жир булса ….
Инде үзем әби күптән,
Әнкәемне сагынам, бик тә,
Исән чакта әнкәйләрне,
Көттермәгезче, сез дә !
Иркәләгез, кадерләгез,
Яратуыгыз яшермәгез
Әйтәсе матур сүзләрне,
Иртәгәгә күчермәгез.

Халисә Гәрәева

*****

Әниләр бәйрәме

Салкын көздә табигатькә
Яз китерә бу бәйрәм.
Саран кояш нурларында
Наз китерә бу бәйрәм.
Йөзләргә елмаю сибә,
Нур өләшә күңелгә,
Өйләргә сыймый, дөньяга
Җыр – моң булып түгелә.
Әниләр бәйрәме бүген –
Бәйрәмнәрнең олысы.
Һәр туган яңа таң өчен
Без әнигә бурычлы.
Тәбрик итик әниләрне,
Юллыйк ихлас теләкне.
Гомер язын бүләк иткән
Ана – тормыш терәге.

Римма Гайнанова

*****

Әнигә

Бер-бер артлы еллар узып тора,
Без үсәбез, синең яшең арта.
Әни, әнкәй! Инде ничә кышлар –
Ялгыз башың тормыш йөген тарта.

Юбилеең ишек какты килеп,
Каршы алыйк, әйдә, түргә узсын!
Бәхет булып килсен киләчәкләр,
Алларыңа гомер юлы сузсын.

Сәламәтлек тели сиңа күңел,
Уңыш тели эшләр эшләреңдә.
Хөрмәтебез тоеп яшә әнкәй,
Матур булсын күрер төшләрең дә.

Шатлыкларга туенып яшә әнкәй,
Яңа таңың тусын кояш тулып.
Яшә тагын сөенеп һәм сөелеп,
Без яраткан әни, әби булып.

Гульфия Исхакова

Тормыш иптәшемә

Минем тормыш иптәшемнең
Туган көне бит бүген.
Иң беренче тиешле мин,
Әйтергә котлау сүзен.

Теләкләрем күп әйтергә:
Бул син гел дә ягымлы,
Елмай гына күрсәң әгәр
Минем усал чагымны.

Мин болай бит, тик яратып
Әйткән булам шелтәләп.
Күзләр тимәсен дип кенә,
Тиргәмим бер дә теләп.

Телим сиңа сәламәтлек,
Ак бәхетләр күп итеп,
Шатлык-сөенечләр килсен,
Уңышлар торсын көтеп!

Озын гомер телим сиңа
Көннәрнең кояшлысын!
Төнәреңдә насыйп булсын,
Күрү айның яктысын!

Ә без: мин дә, балалар да,
Яратабыз үзеңне.
Туган көнең котлы булсын!
Дип тәмамлыйм сүземне.

Гульфия Гизатова

*****

Туган көн

Туган көн

Тагын да бер туган көнем
Куып җитте артымнан
Һич кенә дә тормый көтеп
Чаба бит атлар сыман

Куып тота, узып китә
Миннән дә җитезерәк
Көтмәсәм дә килеп җитә
Шундый шук, шундый зирәк!

Булса икән камытларга
Шушы толпар атларны
Булыр иде онытырга
Җитәчәк картлыкларны

Тик кайгырмыйм үтә диеп
Кире кайтмас көннәрем
Күңел ачам җырлап – биеп
Бүген минем бәйрәмем !

Рафит Бикташев

*****

Бәхетле гомер сиңә

Бәхетләрдән генә торган
Гомер язсын үзеңә
Ак гөлләргә төренеп килсен
Гомереңнең көзе дә

Яшьлек елларыңны эзләп
Карама үткәннәргә
Сине назлаган ул төннәр
Сер булсын бүтәннәргә

Шатлыкларың артып торсын
Йөзеңне нурга күмеп
Хәрбер туган көннәреңә
Куан син рәхмәт диеп

Шунда булыр гамьле тормыш
Яшәүләрнең мәгънәсе
Синнән күчермә эзләрләр
Дусларыңның һәммәсе

Бәхетләрдән генә торган
Гомер язсын үзеңә
Сокланамын чын йөрәктән
Синең изге күңелеңә

Алия Султан

*****

Күңел унсигездән узмый

Тыңла әле, тыңла, бүген сине
Туган көнең белән котлыйлар,
Җырга, изге теләкләргә күмеп,
Яшьлек хисләреңне саклыйлар
Еллар үтә диеп хафаланма,
Күңел унсигездән узмый ул.
Тузса тузсын еллар тузаннары,
Кеше җаны һич тә тузмый ул.
Кара әле, кара тирә-якка,
Синең белән бии табигать.
Еллар белән кеше картаймый ул,
Диюләре чынлап хакыйкать.
Елмай әле, елмай, бүген синең
Күңел шатлык белән тулган көн.
Күрәсеңме, елларны санамый
Үзеңә елмая туган көн.

Венер Фәттахов

*****

Дусларга

Туган көнең бүген дустым!
Син дөньяга килгән көн
Әти-әни, туганнарны,
Шатлыкларга күмгән көн.

Хисапсыз күп дуслар белән
Яшисең син бүген җирдә.
Эшлисең син бик тырышып,
Армыенча көндә, бер дә.

Телим сиңа сәламәтлек.
Җәлләмичә бирсен ходай.
Каршылыклар очрамасын
Ә җилләр дә иссен уңай.

Иҗатыңда зур уңышлар.
Һәрвакытта илһам килсен.
Дус-ишләрең яннарыңда
Илдар, – диеп йөгреп йөрсен

Фагим Хабибуллин

*****

Дусларыма

Ходай безгә биргән гомернең
Кадерләрен белеп яшәгез,
Яратып-сөеп-сөелеп кенә
Мәхәббәт утында яшьнәгез.

Бер-берегезгә кирәк-терәк булып
Тормышта гел янәшә булыгыз,
Үткән көннәр кире кайтмыйлар бит
Бер-берегезнең кадерен белегез.

Дошманнар көнләшерлек итеп
Яшәгез, шатланып көлегез,
Дөньяга якты караш белән
Үтсен сезнең алгы көнегез.

Олыгайгач та безгә кирәк ул
Ихтирам, бер-береңне ярату
Булмасын, һичкайчан кирәкми
Чит-ят ярларга җан ату….

Мәфрүзә Фатихова

*****

Дусларыма теләк

Дуслыкны бит сатып алып булмый,
Бурычка да аны бирмиләр,
Яшәү рәхәт, минем дусларым бар,
Дус булмаган аны белмидер.

Сезгә карыйм да мин,тик шатланам.
Күрәм, сез бит шундый бәхетле!
Киләчәк зур шатлыкларда үтсен,
Уңыш булсын тауларга хатле!

Ак көнләшу белән көнләшәм мин сезгә,
Сезнең бәхет булсын ак кына!
Мин бәхетле, сез бәхетле булгач,
Минем сүзләр һәрчак хак кына.

Минем теләк, тыныч булсын гомер,
Мәхәббәттә үтсен һарбер көн!
Һәр туасы көнне шатлык белән,
Көтеп торсын айлы тыныч төн!

Безнен шатлыгыбыз – балаларда,
Бәхетләрен берүк тапсыннар!
Изге юлдашлары ихлас булсын!
Гел елмаеп таңнар атсыннар!

Сәламәтлек ташламасын бер дә,
Ансыз яшәү, яшәү түгел ул.
Дусларым, сез якын кешеләрем!
Сезнең белән яшәү-күңел ул.

Гульфия Гизатова

*****

Бәхетле булыгыз, дусларым

Гөмерләр бик кыска уйласаң
Төрлечә сузылган юллары
Юлларда адашмый, рәхәттә
Бәхеттә яшәгез дусларым.

Караңгы төннәрне яктырта
Дусларның кадерле киңәше,
Күзегез яшьләргә күмелсә
Шатлыктан булсын ул күз яше.

Авырлык килгәндә кул сузган,
Йөрәкне җылыткан дусларым
Рәхмәтле теләкләр йөретеп
Тик сезгә төбәлгән уйларым.

Ирешсен чын ихлас теләгем
Үз иткән иң якын дусларга,
Тормышның салкыны кагылмый
Өшетми, сезнең күк дус барда.

Алия Султан

*****

Кызыма

Нәни кызыма (җыр)

Туган көнең синең кызым!
Телик изге теләкләр!
Бәхетле бала булсын дип
Яна безнең йөрәкләр.

Ай кызым син күз нурым!
Янәшәдә йолдызым.
Мәхәббәтебез җимеше
Куанычы тормышның.

Шатланып бер елмаюың
Сихәт бирә йөрәккә.
Һәр көн әйткән яңа сүзең
Сөендерә бигерәк тә!

Роберт Шаймарданов

*****

Кызыма

Иртәнге кояшның
иң иркә нурында,
сөенеп уйнарга-
син тудың дөньяга!

Яфраклар шаулавын,
кошларның сайравын
күңелеңнән тоярга-
син тудың дөньга!

Җырыма моң булып,
сөйкемле кыз булып,
ямь өстәп җиһанга-
Син тудың дөньяга!

Мукарама Саитгалиева

*****

Кызым – минем алтыным
Син мәхәббәт җимешем,
Шундый саф син, әйтерсең лә
Челтерәп аккан инешем.

Эчкерсез, йомшак һәм назлы
Гөнахасыз йөрәк пәрам,
Нәфислегең, чисталыгың-
Йөрәгемә кайнар дәвам.

Бәхетле бул, кайгы күрмә
Бул син гел дә янәшә,
Тормышыңнан тәмнәр табып
Мәңге-мәңге рәхәт яшә.

Мафруза Фатихова

*****