Абыема

Абыема

Чын ир булган ир затына ходай
Биргән көчен, биргән акылын
Горурлык та, мәхәббәт тә биргән
Холыкның да биргән асылын.

Шушы сыйфатларның барысында
Ходай сиңа җыеп биргәндер,
Матур итеп еллардан-елларга
Бер хәсрәтсез яшә дигәндер.

Ә мин шуңа горурланам чиксез
Хәр көн саен искә төшереп,
Гаиләңә бәйрәмнәрдән торган
Сихри көннәр телим иң элек.

Хәләл парың гел яныңда булсын,
Балаларың булсын горурлык
Шөкер бу ходайга,тормышыгыз
Күз тимәсен диеп торырлык.

Алия Султан

*****

Ирләргә котлаулар

Ир-ат, диеп кемдер атаган

Ир-ат, диеп кемдер атаган бит
Аттай булган өчен ир-атны,
Җирен, суын, илен яклаган ул,
Борынгылар сүзе бик хаклы.

Ир-ат тире белән иген үскән,
Магърүр йортлар — ирләр кулыннан,
Үлән үсмәс җирдә шәһәр калкып,
Машиналар чаба юлыннан.

Ир-ат, диеп кемдер атаган бит,
Ат язмышы булган ирләрдә,
Ил терәге булып яуга киткән
Җилләр җитә алмас җирләргә.

Ир иңенә таяна хатын-кыз
Ир-ат белән генә ул горур,
Әти куенында үскән бала
Мин әтиле! — диеп төз торыр.

Найля Аюпова

*****

Ир-егетләр, сезне котлап
Әйтәсе килә шуны:
Ватанны саклаган кебек,
Саклагыз хатын-кызны.
Сез саклаган, сез яклаган
Хатын-кыз ким-хур булмас.
Менә дигән уллар туар —
Ватан сакчысыз калмас.

Люция Аблеева

*****

Ир көчендә-ил көче

Нигез ташын сала ирләр,
Ир көчендә — ил көче,
Ир — ир инде, ни дисәң дә,
Телләре түгел төче.

Ир-егет йортның терәге
Тала белмәс беләге,
Татулыктан тау күчерер
Ир! — дигәннең зирәге.

Бердәм дөнья корган ирнең
Аты булыр иярле,
Йортын тотар, тормыш отар,
Сөяр ул тик сөярне.

Яхшы ир үз илен мактый,
Чәчә, җыя уңышын,
Кыю эштә юлы уңай,
Арбасын кора кышын.

Найля Аюпова

*****

Әлегә ирләр бәйрәме

Ирләр көне җитеп килә,
Бүләк сайлый хатын-кыз,
Сайламый алар кыйммәтен
Бүләкләре бик очсыз.

Тырышып кына сайлыйлар
Елдагыча — оекбаш,
Эчке кием, кырынгычлар,
Уйлап өлгерсен тик баш.

Ирләребез шат шуңа да
Алар көтми зур бүләк,
Әледән үк баш ваталар,
Ничек бетәрбез түләп?

Күпме кирәк күңел өчен,
Көләч йөзе дә бүләк,
Бәйрәм кайгысы юк анда
Торасы да юк сөйләп.

Ирләр бәйрәме эзеннән
Көттермичә килә март,
Мартның 8-е зур бәйрәм,
Зур бүләк бирү — ул шарт!..

Әле дә сабыр ирләребез
Шуңа күңелләр бик шат,
Әлегә ирләр бәйрәме,
Бәйрәм булуы да шарт!

Найля Аюпова

*****

Читать все стихи →

Улыма

Ир балама бәхет телим

Ир балама бәхет телим
Ир баламны кызганам,
Догаларым ир балама
Күккә карап күз багам.

Тирә якларым тынгысыз
Үзгәрүчән җир йөзе,
Ир балама гомер телим,
Акылы булсын төзек.

Акылына тагын өстәп
Йөрәкнең бир сабырын,
Гаилә учагы тергезсен,
Өлгерлек табар малын.

Тирә ягым шыксыз җилдән
Дөнья кырыс, болгана,
Я, ходаем, синнән сорыйм
Читтәгегә бул Ана!

Ир баламның бәхетен бир,
Гомерен бир, йә, Аллам!
Аналарга сабырлык бир,
Тик имин булсын балам!

Найля Аюпова

*****

Туган көнең балакаем бүген
Тынычлыкта сиңа үсәргә!
Тормышыңда иң беренче юбилеең
Озак булды сиңа, аны көтәргә.

Улым, беренчесе шулай озак,
Калганнарын сизми калырсың.
Тормыш юлын, бару авырырак
Ә син торыш, алга барырсың.

Балакаем,бездән сиңа теләк,
Олыларны хөрмәт итәргә.
Яхшы дуслар булсын синдә күберәк,
Тормышыңда бергә китәргә!

Гульчачак Хасанова

*****

Яңа ел белән!

Хуш киләсең Яңа ел!

Толпар атым, салып канатыңа,
Ак бәхетләр, шатлык алып кил!
Тоякларың арымасын юлда,
Атлап түгел, очып безгә кил!

Йолдызлардан илһам нурлары ал,
Ай нурыннан ал син мәхәббәт!
Түкми-чәчми сип син күңелемә.
Шул хисләрдән миңа бик рәхәт!

Хуш киләсен безгә, өр-Яңа ел!
Килер юлың булсын ак кына!
Яңа өмет, яңа хыял белән,
Без чыгарбыз синең каршыңа!

Гульфия Гизатова

*****

Яңа ел төне

Шампан очкыннары, салют белән
Шаулап үтә Яңа ел төне.
Яңа елда яңа өмет булып
Куна йөзгә карлар бөртеге.

Кушымта:
Без җырлыйбыз, без биибез бүген,
Безгә бүген Яңа ел килә!
Шау-гөргә күмә, Яңа ел килә,
Һәркемгә дә елмаеп көлә.

Үткән белән, киткән хисләр белән,
Саубыллаша Яңа ел төне.
Дуслар, туганнар белән бергәләп,
Бу төн үтә шаян-көлкеле.

Чыршы үзе дә бик шат шикелле,
Йолдызлар җемелдәп бииләр.
Бу төнне һәркем ачып ишеген:
-Әйдә, бәхетле ел, кил, — диләр.

Венер Фәттах

******

Яңа Ел килә

Бәлләүр бокал чыңнарына,
Күмелә бүген Җир — шары.
Һич көттерми,бик тиз генә,
Килде Яңа Ел тагы!

Аттай эшләп арганнан соң,
Кәҗә булып мекердәп,
Үтәр тагын бер елыбыз,
Сиздермичә кештердәп.

Еллар шулай үтә торсын,
Яңалары кабат килсен.
Елның һәрбер үткән көне,
Тик бәхет — шатлык китерсен.

Күңел ап-ак йомшак булсын,
Теләкләр гел актан булсын!
Табыныбыз мулдан булып,
Шау — гөр килеп гөрләп торсын!

Гульсум Набиуллина

*****

Читать все стихи →

Тормыш иптәшемә

Минем тормыш иптәшемнең
Туган көне бит бүген.
Иң беренче тиешле мин,
Әйтергә котлау сүзен.

Теләкләрем күп әйтергә:
Бул син гел дә ягымлы,
Елмай гына күрсәң әгәр
Минем усал чагымны.

Мин болай бит, тик яратып
Әйткән булам шелтәләп.
Күзләр тимәсен дип кенә,
Тиргәмим бер дә теләп.

Телим сиңа сәламәтлек,
Ак бәхетләр күп итеп,
Шатлык-сөенечләр килсен,
Уңышлар торсын көтеп!

Озын гомер телим сиңа
Көннәрнең кояшлысын!
Төнәреңдә насыйп булсын,
Күрү айның яктысын!

Ә без: мин дә, балалар да,
Яратабыз үзеңне.
Туган көнең котлы булсын!
Дип тәмамлыйм сүземне.

Гульфия Гизатова

*****

Туган көн

Туган көн

Тагын да бер туган көнем
Куып җитте артымнан
Һич кенә дә тормый көтеп
Чаба бит атлар сыман

Куып тота, узып китә
Миннән дә җитезерәк
Көтмәсәм дә килеп җитә
Шундый шук, шундый зирәк!

Булса икән камытларга
Шушы толпар атларны
Булыр иде онытырга
Җитәчәк картлыкларны

Тик кайгырмыйм үтә диеп
Кире кайтмас көннәрем
Күңел ачам җырлап — биеп
Бүген минем бәйрәмем !

Рафит Бикташев

*****

Бәхетле гомер сиңә

Бәхетләрдән генә торган
Гомер язсын үзеңә
Ак гөлләргә төренеп килсен
Гомереңнең көзе дә

Яшьлек елларыңны эзләп
Карама үткәннәргә
Сине назлаган ул төннәр
Сер булсын бүтәннәргә

Шатлыкларың артып торсын
Йөзеңне нурга күмеп
Хәрбер туган көннәреңә
Куан син рәхмәт диеп

Шунда булыр гамьле тормыш
Яшәүләрнең мәгънәсе
Синнән күчермә эзләрләр
Дусларыңның һәммәсе

Бәхетләрдән генә торган
Гомер язсын үзеңә
Сокланамын чын йөрәктән
Синең изге күңелеңә

Алия Султан

*****

Күңел унсигездән узмый

Тыңла әле, тыңла, бүген сине
Туган көнең белән котлыйлар,
Җырга, изге теләкләргә күмеп,
Яшьлек хисләреңне саклыйлар
Еллар үтә диеп хафаланма,
Күңел унсигездән узмый ул.
Тузса тузсын еллар тузаннары,
Кеше җаны һич тә тузмый ул.
Кара әле, кара тирә-якка,
Синең белән бии табигать.
Еллар белән кеше картаймый ул,
Диюләре чынлап хакыйкать.
Елмай әле, елмай, бүген синең
Күңел шатлык белән тулган көн.
Күрәсеңме, елларны санамый
Үзеңә елмая туган көн.

Венер Фәттахов

*****

Студент көне белән

Студент көне белән

Өч дистә ел үтеп киткән,
Студент булган чакларга.
Укып беткәч таралыштык,
Төрле-төрле якларга.

Кадерле дә, бик якын да,
Истәлекләр күңелдә.
Югалталмыйлар дуслык хисен,
Дус булганнар шул көнлә.

Ничек инде онытасың,
Тәүге студент елларын.
Күпме генә таптамадык,
Шәһәр-авыл юлларын.

Пешкән ашны бүлә идек,
Дүрткә түгел, унбишкә.
Җитә иде барыбызга,
Кәеф булды гел “5”кә.

Укуда да сынату юк,
Дуслар бар бит ярдәмгә.
Экзаменга бара идек,
Барган кебек бәйрәмгә.

Кызыл өмәләрдә булдык,
Парадларда атладык,
Бер вакыт та дусларны без,
“Дошманнар”га сатмадык.

Кайтарасы иде тагын,
Шушы студент елларны.
Җыеласы иде дуслар.
Якынайтып юлларны.

Эх шул студент еллары!

Гульфия Гизатова

*****

Юбилейга котлаулар

Юбилейга котлау

Гомер юлың сокланырлык,
Сокланабыз бүген дә,
Гомер көзең җимеш барлый
Аяз әле күгең дә.

Гомер көзең уңыш җыя
Дөнья синнән аклана,
Тик син булган өчен генә
Гаилә учагы саклана.

Олы белән, кече белән
Бар синең сөйләр сүзең,
Бүген сиңа без сөйлибез
Нур сибеп балкый күзең.

Изге җаның изгелектә
Рәхмәт укып киләбез,
Өмет гөлләрең бөредә
Чәчкә атыр,беләбез !

Якыннарың хөрмәтеннән
Имин булсын гомерең,
Сәламәт бул, бул бәхетле
Кояшлы булсын көнең.

Тыйнаксың, төпле, назлысың
Бирсен көч, гомер Ходай,
Барыр юлыңа нур сузсын
Көнен кояш, төнен ай.

Шәфкать,рәхимлек-асылың,
Бүләк-сөйкемле йөзең,
Бәрәкәтле, күркәм түрең
Бәхетле бул тик үзең!

Яклаучы син, саклаучы син
Гаиләңнең учагын,
Фәрештәләр саклый күрсен
Суынмасын кочагың.

Балалар, дип өзеләсең,
Туганнар, дип янасың,
Учагыңда тәмле ашың
Җан җылыңны ягасың.

Бирешмәдең, егылмадың,
Сыгылмадың, язмыш, дип,
Авырлыкта таянырга
Без дусларың да бар бит !

Найля Аюпова

*****

Юбилеең белән!

Яшьли кушылып инде өч дистә ел,
Бер сукмактан атлыйбыз икән
Димәк никах безгә күктә укылып,
Хәер-фатиха да шуннан ук иңгән.

Әти-әниләр үгет-нәсыйхәтен,
Изге итеп күптән ятладык
Йөзләренә китерми кызыллык,
Нәсел шәҗәрәсен сакладык.

Тормыш сынауларын җиңеп үттек,
Бер-береңә ныклы ышанып
Чиратлашып кактык канатларны,
Яшәмәдек һич тә уфтанып.

Җитте менә олы юбилеең,
Изге хисләр йөрәк түремдә
Кочак тулы теләкләр бәйләме,
Сине котлар туган көнеңдә.

Гомер юлында ышанычлы юлдаш,
Таяныч икәнне аңладың
Язмыш җилләренә киртә булып,
Гаилә учагын сүндерми сакладың.

Юбилеең белән кадерлебез,
Җылы котлауларны кабул ит
Оныкларның балаларын сөяр,
Вакыт арасын исән-имин үт.

Тормыш гөленә парлап сулар сиптек,
Чәчәк аткач йөредек куанып
Яшәү язсын бала-оныкларның,
Шатлыкларын күреп, юанып.

Дамир Ахметзянов

*****

Юбилей белән

Юбилейга котлау

Гомер юлың сокланырлык,
Сокланабыз бүген дә,
Гомер көзең җимеш барлый
Аяз әле күгең дә.

Гомер көзең уңыш җыя
Дөнья синнән аклана,
Тик син булган өчен генә
Гаилә учагы саклана.

Олы белән,кече белән
Бар синең сөйләр сүзең,
Бүген сиңа без сөйлибез
Нур сибеп балкый күзең.

Изге җаның изгелектә
Рәхмәт укып киләбез,
Өмет гөлләрең бөредә
Чәчкә атыр, беләбез !

Якыннарың хөрмәтеннән
Имин булсын гомерең,
Сәламәт бул, бул бәхетле
Кояшлы булсын көнең.

Тыйнаксың, төпле, назлысың
Бирсен көч, гомер Ходай,
Барыр юлыңа нур сузсын
Көнен кояш, төнен ай.

Шәфкать, рәхимлек-асылың,
Бүләк — сөйкемле йөзең,
Бәрәкәтле, күркәм түрең
Бәхетле бул тик үзең !

Яклаучы син, саклаучы син
Гаиләңнең учагын,
Фәрештәләр саклый күрсен
Суынмасын кочагың.

Балалар, дип өзеләсең,
Туганнар, дип янасың,
Учагыңда тәмле ашың,
Җан җылыңны ягасың.

Бирешмәдең,егылмадың,
Сыгылмадың,язмыш, дип,
Авырлыкта таянырга
Без дусларың да бар бит !

Найля Аюпова

*****

Туйга котлаулар

Туй җыры

Шатлык ургый тир-якка,
Бүген бездә туй бара.
Яшь вакытлар искә төшеп,
Йөрәк җилкенеп кала.
Гөрләсен туй, шауласын туй,
Дөньяга җыр-моң тулсын.
Матур парның иңнәренә
Мәхәббәт кошы кунсын.
Куллар — кулда, күзләр — күздә,
Йөрәкләр типсен бергә.
Парлы гомер, сөю-назлар
Телибез бүген сезгә.
Бәхетегез уртак булсын,
Борчулар урап үтсен.
Мәхәббәтнең кайнарлыгы
Гомер буена җитсен.

Римма Гайнанова

*****

Туйда теләкләр

Шатлыклы да бу көн һәм моңсу да,
Туган йорттан китә кыз бала.
Якты өмет, зур хыяллар белән
Тормыш дигән илгә юл ала.
Үз язмышын тапшыра сөйгәненә,
Ышанычы берүк аклансын.
Изге хисне, сөю кайнарлыгын
Һәр икесе тигез сакласын.
Юлдаш булсын сезгә сөю-назлар.
Бәхет белән тулы иртәләр.
Акыл һәм сабырлык иптәш булсын,
Очрый калса әгәр киртәләр.
Һәрбер эштә бергә киңәшегез,
Чит сүзләргә колак салмагыз.
Туган нигез сезгә кыйбла булса,
Әти-әни — табынган аллагыз.
Барыр юлларыгыз якты булсын,
Гел кояшлы килер көнегез.
Мәхәббәтне тугры юлдаш итеп.
Бәхет үрләренә менегез.

Римма Гайнанова

*****

Котлагыз әле, котлагыз
Туй көне безнең бүген,
Күңелем бераз тулышкан,
Болытлап тора көнем.

Сагышым юк, күңел тулган
Ерак яшьлекне уйлап,
Йөреп кайтыйк әле, җаным,
Яшьлек сукмагы буйлап.

Яшьлек җырын парлап җырлыйк
Сүзләре исеңдәме?
Әллә синең күңелең дә
Яшьлегең хисендәме ?

Гомер үтә, үкенеч юк,
Сынаулары булса да,
Яшермә әле күзләреңне
Күңелләрең тулса да.

Найля Аюпова

*****

Туй көне

Яңгыратып киң урамны
Туй машинасы килә,
Яшьләр туе, пар матурлар
Яңаа тормышка җилә.

Аклык төсе, сафлык төсе
Яшь парларны бизәгән
Бар гүзәллек алар яклы
Әкияткә әйләнгән.

Мәхәббәт ялкыннарында
Җилә бу ике гашыйк,
Күзләрендә өмет балкый,
Күңелләр тора ташып.

Туганнары, якыннары
Парларны котлап бүген,
Яудыралар теләкләрнең
Корычныкы кебеген.

Бүгенге көн онытылмас,
Озатыр зур тормышка,
Бәхет татып яшәсеннәр
Күмелеп гөлле алкышка.

Алия Султан

*****

Никах туена теләк

Сезгә минем бүләгем
Изге якты теләгем,
Җырга салган сүзләрем,
Назга тулган йөрәгем.

Бүген зур бәйрәмегез,
Сезнең никах туегыз
Якты булсын юлыгыз,
Ачык булсын күгегез.

Яшәгез сез яратып,
Иман нурын таратып
Парлы булып гел бергә
Ходай биргән гөмердә.

Лилия Гиматдинова

*****